ЧАШНИ 50-СОЛАГИИ ИЖТ ЧОРАБИНИИ ҚАТОРИ НЕСТ

                  Душанбе, 29 сентябр. ( АМИТ « Ховар», Фирдавс Таваров ) -Дар ҷаласаи навбатии раесати Иттифоқи журналистони Тоҷикистон, ки рӯзи 24 сентябр баргузор гардид, таҷлили ҷашни 50-солагии таъсисебии Иттифоқ ба семоҳаи авали соли 2010 мавқуф гузошта шуд. Қарори мазкур, бинобар гуфтаи раиси ИЖТ А.Сатторов, бо тақозои нокифоятии муҳлат барои дар сатҳи шоиста гузаронидани ин чорабинии муҳим қабул гардид. Тантанаҳои ҷашнӣ ба муносибати зодрӯзи таърихии Иттифоқ бо тасмими пешакӣ бояд дар нимаи аввали моҳи ноябри соли ҷорӣ доир мегардиданд, вале рафти омодагӣ ба онҳо нишон дод, ки мӯҳлати боқимонда барои муккамал амалӣ сохтани барномаи ҷашни, ки баргузории чорабиниҳои зиедеро дар сатҳи умумиҷумхурявӣ дар назар дорад , басандагӣ намекунад.                 « Чашни 50-солагии ИЖТ чорабинии қаторӣ нест, он як марҳилаи таърихи рушду камолоти рӯзноманигории миллиро ҷамъбаст менамояд. Бинобар ин маъракаи мазкур бояд дар сатҳи олӣ барои ҷомеаи журналистӣ хотирмон баргузор гардад»,-афзуд А. Сатторов.