ЧОРАБИНИҲОИ ИДОНА ДАР ПОЙТАХТ
Душанбе, 5 сентябр.(АМИТ «Ховар», Марзия Саидова).-Шоми имрӯз дар Амфитеатри Душанбе ба ифтихори ҷашни 18-умин солгарди Истиқлолияти давлатии Ҷумҳурии Тоҷикистон, ки 9 сентябр таҷлил мегардад консерти ҳунармандон ва дастаҳои эҷодкори пойтахт таҳти унвони «Файзи Истиқлол» баргузор мегардад. Тавре дар сӯҳбат ба хабарнигори АМИТ «Ховар» сардори идораи фарҳанги шаҳри Душанбе Шаҳло Мӯсоева гуфт, бахшида ба ҷашни Истиқлолияти миллӣ дар марказҳои фарҳангу фароғатӣ ва боғҳою майдонҳои истироҳатии пойтахт маҷмӯи чорабиниҳои фарҳангию фароғатӣ ташкил карда мешаванд. Аз ҷумла, дар китобхонаи муосири пойтахт намоишгоҳи китобҳои ба истиқлолият бахшидашуда ва конфронсҳои илмию адабӣ дар мавзӯи дастовардҳои истиқлолияти миллӣ, худшиносӣ ва таҳкими пояҳои давлатдорӣ бо иштироки донишмандон ва аҳли илму адаби пойтахт доир мегардад. Ҳамзамон, дар рӯзҳои таҷлили ҷашни Истиқлолияти миллӣ дар пойтахт ташкили намоиш ва фурӯши маҳсулоти нонию қаннодӣ ва кишоварзӣ барои пурнозу неъмат гардонидани дастархони идонаи сокинон ва меҳмонон ташкил карда мешавад.
Имрӯз дар водиҳои Тоҷикистон ҳаво то 40 дараҷа гарм мешавад
Дар 130 муассисаи таълимии ноҳияи Рӯдакӣ беш аз 10 ҳазор наврасон ба истироҳат фаро гирифта шудаанд
Имрӯз дар ноҳияҳои алоҳидаи Тоҷикистон чангу ғубор ба амал меояд
Дар Душанбе ҳамоиши сиёсӣ-фарҳангӣ таҳти унвони «Пешвои миллат — меъмори Ваҳдат» доир гардид
МЕГАФОН ТОҶИКИСТОН: Дар Санкт –Петербург Созишнома оид ба ҳамкории оператор бо таҳиягари пешбари Русия — Ivideon имзо гардид
Конфронси илмӣ-адабии «Душанбе — корзори ваҳдатофарӣ ва боргоҳи Ваҳдати миллӣ» баргузор шуд
Дар Вилояти Мухтори Кӯҳистони Бадахшон 9 иншооти саноатӣ ба истифода дода мешавад
Дар Бохтар вобаста ба пешгирии ғарқшавии ноболиғону ҷавонон ҳангоми оббозӣ вохӯрии иттилоотӣ доир шуд
Модарони ваҳдатсаро дар ноҳияҳои Исмоили Сомонӣ, Фирдавсӣ, Сино ва Шоҳмансури пойтахт бо сокинон вохӯрӣ мегузаронанд
АЗ БАРАКАТИ ВАҲДАТИ МИЛЛӢ. Дар ин муддат соҳаи саноат ва кӯҳкорӣ ба як бахши муҳими иқтисоди миллӣ табдил ёфт
«ХИЗМАТ БА ВАТАН ШАРАФ АСТ!». Дар ноҳияи Нуробод ҳамоиши хизматчиёни ҳарбӣ баргузор мешавад
