ДАР КӮЧАҲОИ ПОЙТАХТ ЛАМПАҲОИ ТАФСОН ИВАЗ МЕШАВАНД

                 Душанбе, 25 сентябр. (АМИТ «Ховар», Лаззат Диловарзод).- Бо мақсади амалӣ шудани Фармони Президенти Ҷумҳурии Тоҷикистон оид ба гузариш ба лампаҳои каммасраф аз ҷониби раиси Ҳукумати шаҳри Душанбе Маҳмадсаид Убайдуллоев, барномаи «Равшаноӣ 2009 2013» тасдиқ гардид. Тибқи барномаи мазкур, тамоми лампаҳое, ки бо шиддати баланди барқӣ кӯчаҳоро равшан мекарданд, бо лампаҳои каммасраф иваз карда мешаванд.                   Бо мақсади татбиқи барнома, ба идораи молияи пойтахт супориш дода шудааст, ки дар буҷети солҳои 2010 – 2013 ин масъаларо зери назар гиранд.                     Масъулияти давра ба давра иҷро намудани барномаи мазкур ба зиммаи муовини раиси шаҳри Душанбе Ҷамшед Мансуров ва корхонаи «Равшании Душанбешаҳр» гузошта шудааст.