ДАРЁФТИ ҶАВОНОНИ БОИСТЕЪДОД

               Душанбе, 4 сентябр. (АМИТ «Ховар», Ибодат Давлатова). — Бо ташаббуси Кумитаи ҷавонон, варзиш ва сайёҳии назди Ҳукумати Ҷумҳурии Тоҷикистон дар шаҳри Турсунзода бахшида ба 18 -солагии Истиқлолияти давлатии ҶТ озмуни таронаи «Истиқлол» баргузор гардид.              Аз Кумитаи мазкур ба АМИТ «Ховар» хабар доданд, ки дар озмун ҳунармандони ҷавон аз шаҳру ноҳияҳои тобеи ҷумҳурӣ, инчунин вилояти Хатлон иштирок намуданд. Мақсад аз гузаронидани ин чорабинӣ дарёфти истеъдодҳои ҷавон ва дар рӯҳияи ҷавонон боло бурдани ҳисси ватандӯстӣ мебошад.               Дар охир ба ғолибони озмун аз тарафи Кумитаи ҷавонон, варзиш ва сайёҳӣ тӯҳфаҳои хотиравӣ супорида шуд.