ДУ НОБОЛИҒ ДАР ТАГИ ХОК МОНДАНД

                Душанбе, 10 сентябр. (АМИТ «Ховар», Жасмин Назарова). – Дар ноҳияи Данғара ҳодисаи нохуш ба қайд гирифта шуд.                 Тавре ба хабарнигори АМИТ «Ховар» аз дафтари матбуоти Вазорати корҳои дохилии ҶТ иттилоъ доданд, ноболиғон Файзалӣ Воҳидов, соли таваллудаш 2002, хонандаи синфи 1, мактаби таҳсилоти умумии рақами 55, Сомон Неъматов, соли таваллудаш 2000, хонандаи синфи 3, мактаби таҳсилоти умумии рақами 12 ва Хуршед Юнусов, соли таваллудаш 1993, хонандаи синфи 10, мактаби таҳсилоти умумии рақами 12 дар ҷамоати Себистон ҳини бозӣ ду ноболиғ дар таги хок монда ба ҳалокат расиданд. Х. Юнусов ҷароҳати ҷисмонӣ бардошта дар беморхонаи ноҳия бистарӣ гардидааст.