ФАБРИКА ДАР ДЕҲА
Душанбе, 24 сентябр. (АМИТ «Ховар», Лаззат Диловарзод).- Бино ба иттилои сармуҳандиси фабрикаи бофандагии «Фаррес» — и деҳаи Гулшани ноҳияи Фархор Эмомназар Раҷабов, иқтидори истеҳсолии фабрикаи мазкур дар як сол 1500 тонна ришта мебошад. Дар фабрикаи нави бофандагӣ, ки аз моҳи июни соли 2009 ба кор оғоз кардааст, мутахассисони ботаҷриба аз вилояти Суғд ва Қӯрғонтеппа ба кор даъват карда шуданд. Мутахассисони хуҷандӣ тибқи шартнома корҳои васлкунии дастгоҳҳоро анҷом доданд. Мутахассисони қӯрғонтеппагӣ бошанд, ба духтарон касбҳои бофандагӣ ва ресандагиро омӯхтанд. Ҳоло дар фабрикаи бофандагии «Фаррес», ки дар як баст кор ба роҳ монда шудааст, 150 нафар духтарони деҳаҳои Гулшан, Аловуддин ва Шафтолубоғ ба кор ҷалб карда шудаанд. Дар фабрика ҳаррӯз аз 400 то 450 килограмм ришта истеҳсол карда мешавад. Бино ба иттилои ҳамин манбаъ, фабрика дар наздиктарин моҳҳо бо иқтидори пурра дар се баст бо 400 ҷои корӣ фаъолият мекунад. Истеҳсолот дар асоси дархости пешакӣ ба нақша гирифта мешавад.
Аз 1 то 3 май дар баъзе шаҳру ноҳияҳои Тоҷикистон ифлосшавии ҳавои атмосферӣ дар назар аст
Монографияи илмӣ оид ба журналистикаи сайёҳӣ ба нашр расид
«ТОҶИКИСТОНИ МАН!». Дар шаҳри Ҳисор маҳфил-озмун ҷамъбаст гардид
Имрӯз дар минтақаҳои доманакӯҳии ноҳияҳои тобеи Тоҷикистон сар задани сел пешгӯӣ мешавад
Сокини ноҳияи Кӯшониён аз ҳар қуттӣ кирмак то 35 килограмм пилла ба даст меорад
Имрӯз дар баъзе минтақаҳои Тоҷикистон борон меборад
Имрӯз дар баъзе минтақаҳои Тоҷикистон рӯзона борони кӯтоҳмуддат меборад
Дар шаҳри Бӯстон доир ба татбиқи лоиҳаҳои муштараки иҷтимоӣ бо соҳибкорон вохӯрӣ баргузор шуд
Дар даҳсолаи охир дар ҷаҳон шумораи одамони бо гуруснагии фалокатбор рӯбарӯ нуҳ маротиба афзоиш ёфтааст
Имрӯз дар шаҳри Душанбе ҳаво то 29 дараҷа гарм мешавад
Имрӯз дар Тоҷикистон ҳавои тағйирёбандаи бебориш пешгӯӣ мешавад
Озмуни ҷумҳуриявии «Ҷавонон муқобили коррупсия» баргузор мешавад
