ХАРИТАИ САЙЁҲИИ ТОҶИКИСТОН АЗ ЧОП БАРОМАД

                 Душанбе, 24 сентябр. (АМИТ «Ховар», Лаззат Диловарзод).- Нахустин бор бо ташаббуси Кумитаи кор бо ҷавонон, варзиш ва сайёҳии назди Ҳукумати ҶТ харитаи сайёҳии Тоҷикистон дар шакли ранга бо теъдоди 2 ҳазор нусха аз чоп баромад.                 Мақсад аз табъу нашри харитаи сайёҳӣ рушди соҳа дар кишвар аст.                  Бино ба гуфти мутахассиси соҳаи рушди сайёҳии кумита Фаррух Иззатуллоев, харита бо се забон: тоҷикӣ, русӣ ва англисӣ нашр шуда, барои ҳамаи онҳое, ки бо сафари сайёҳӣ вориди Тоҷикистон мешаванд ба таври ройгон дода мешавад. Харитаи сайёҳӣ ҳамчунин миёни вакилони намояндагони дипломатии хориҷӣ дар Тоҷикистон паҳн карда шудааст.                Дар харита маълумоҳои мушаххас оид ба марказҳои сайёҳӣ дар Тоҷикисон ва ҷойҳои таърихии тамошобоби он нишон дода шудааст.                 Боис ба ёдоварист, ки аз аввали соли ҷорӣ то имрӯз аз Тоҷикистон наздик ба 5 ҳазор сайёҳони хориҷӣ дидан карданд.