МАЪРАКАИ ДОРУГУЗАРОНӢ БАРОИ ПЕШГИРИИ БЕМОРИҲОИ СУРХЧА ВА ГУЛ
Душанбе, 23 сентябр. (АМИТ «Ховар», Кристина Эрлих). – 26 сентябр дар бинои Амфитеатр маросими расмии оғози маъракаи миллии доругузаронӣ барои пешгирии бемориҳои сурхча ва гул баргузор мегардад. Ин маърака дар Тоҷикистон аз 28 сентябр то 12 октябр давом хоҳад кард. Дар давоми маърака ба организми қариб 2,5 миллион нафар бачагони аз 1 то 14 сола дору гузаронида мешавад. Мухбири АМИТ «Ховар» хабар медиҳад, ки дар маросими оғози маърака муовини сарвазири ҷумҳурӣ Руқия Қурбонова, роҳбарон ва намояндагони расмии вазорату идораҳори дахлдор, сафоратхонаҳо, воситаҳои ахбори оммавӣ, Муассисаи наҷоти атфоли СММ, Созмони ҷаҳонии тандурустӣ ва Ҷамъияти Ҳилоли Аҳмари Тоҷикистон ширкат меварзанд. Ба организми бачагон дар дармонгоҳҳо, мактабҳо, интернатҳо ва муассисаҳои томактабӣ дору гузаронида мешавад. Бо ин мақсад қариб 4 ҳазор корманди соҳаи тиб сафарбар карда хоҳад шуд. Муассисаи наҷоти атфоли СММ маъракаи доругузарониро дастгирӣ намуда, духтуронро бо дору, асбобу анҷоми зарурӣ, сӯзандору, сумка ва яхдонҳо барои нигоҳ доштани дору таъмин менамояд.
Аз 1 то 3 май дар баъзе шаҳру ноҳияҳои Тоҷикистон ифлосшавии ҳавои атмосферӣ дар назар аст
Монографияи илмӣ оид ба журналистикаи сайёҳӣ ба нашр расид
«ТОҶИКИСТОНИ МАН!». Дар шаҳри Ҳисор маҳфил-озмун ҷамъбаст гардид
Имрӯз дар минтақаҳои доманакӯҳии ноҳияҳои тобеи Тоҷикистон сар задани сел пешгӯӣ мешавад
Сокини ноҳияи Кӯшониён аз ҳар қуттӣ кирмак то 35 килограмм пилла ба даст меорад
Имрӯз дар баъзе минтақаҳои Тоҷикистон борон меборад
Имрӯз дар баъзе минтақаҳои Тоҷикистон рӯзона борони кӯтоҳмуддат меборад
Дар шаҳри Бӯстон доир ба татбиқи лоиҳаҳои муштараки иҷтимоӣ бо соҳибкорон вохӯрӣ баргузор шуд
Дар даҳсолаи охир дар ҷаҳон шумораи одамони бо гуруснагии фалокатбор рӯбарӯ нуҳ маротиба афзоиш ёфтааст
Имрӯз дар шаҳри Душанбе ҳаво то 29 дараҷа гарм мешавад
Имрӯз дар Тоҷикистон ҳавои тағйирёбандаи бебориш пешгӯӣ мешавад
Озмуни ҷумҳуриявии «Ҷавонон муқобили коррупсия» баргузор мешавад
