МИННАТДОРИИ СОКИНОНИ КӮЧАИ М.НАЗАРШОЕВ

               Душанбе, 2 сентябр. (АМИТ «Ховар», Лаззат Диловарзод).- Васоити иттилоотии кишвар дар расидагӣ ба мушкилоти мардум хизмати баҳснопазир доранд. Ин арҷгузорӣ баъди Фармони Президенти ҷумҳурӣ Эмомалӣ Раҳмон дар бораи вокуниши соҳибмансабон ба мақолаҳои танқидӣ аз 7 –уми феврали соли 2009 раванди тоза пайдо кард,- иброз дошт коршинос Собири Абдуваҳҳоб.                Сокинони кӯчаи Моёншо Назаршоеви пойтахти кишвар дар давоми 5 сол аз надоштани барқ ба тамоми идораю муассиса ва вазоратҳои марбута шикоят бурда бошанд ҳам, ба натиҷае нарасиданд.                 Соли ҷорӣ баъд аз нашри фармони мазкур дар бораи вокуниши мансабдорон ба мақолаҳои танқидӣ, дастгирии раиси нави ноҳияи Шоҳмансур Фатҳулло Бӯриев, чопи як мақола дар ҳафтаномаи «Нигоҳ» ва як хабари интернетии АМИТ«Ховар» сокинони кӯчаи М. Назаршоев тавассути трансформатори харидаи худ соҳиби барқ шуданд. Сокинони кӯчаи мазкур, нисбати воситаҳои иттилотӣ , ки дар мушкилоти 5 – солаи онҳо дасти кӯмак дароз кардаанд, миннатпазирии худро изҳор намуданд.