МУОВИНИ САРДОРИ ХАДАМОТИ РАЗВЕДКАИ АФҒОНИСТОН КУШТА ШУД

                Кобул, 3 сентябр. (АМИТ «Ховар» — РБК.ру). — Дирӯз як нафар террористи фидоӣ дар шаҳри Меҳтарлом якчанд мошини пур аз маводи таркандаро бо мансабдорони баландпояи ҳукуматӣ тарконд. Дар ин бора Агентии иттилоотии Ассошиэйтед Пресс хабар дод.               Тибқи хабари агентӣ, гурӯҳи мансабдорои ҳукуматӣ барои иштирок дар маросими ифтитоҳи масҷиди нави шаҳр ба Меҳтарлом омад. Қабл аз оғози ҷамъомад ногаҳон таркиши шадид рух дод, ки дар натиҷаи он якчанд мошин ҳамроҳи саворонашон, аз ҷумла, муовини сардори хадамоти миллии амнияти Афғонистон Абдулло Лағмонӣ несту нобуд гардиданд.                Ҷунбиши «Толибон» масъулияти ин амали террористиро ба зиммаи худ гирифт. Аз рӯи хабари политсия, бар асари ин амалиёт 23 нафар ҳалок гардид.                 Инчунин дирӯз шахсони номаълум дар пойтахти Покистон мошини вазири масъалаҳои дини Афғонистон Ҳомид Сайёд Казмиро тирборон карданд. Вазир дар натиҷа сахт маҷрӯҳ шуд. Тафсилоти дигари воқеа хабар дода нашудааст.