МУСОБИҚА ДАВОМ ДОРАД

                Душанбе, 24 сентябр. (АМИТ «Ховар», Пайрав Назаров). – Аз Федератсияи бокси тахассусии Федератсияи Русия хабар доданд, ки варзишгари тоҷик, боксчии маъруф Соҳиб Усаров 2 октябр дар саҳнаи клуби «Монреал» — и шаҳри Маскав барои ба даст овардани унвони қаҳрамони варзиши бокс аз рӯи фарзияи Федератсияи бокси Аврупо дар вазни сабуктарин бо варзишгари Русия Александр Фёдоров қувваозмоӣ мекунад.                Хабар дода мешавад, ки Соҳиб Усаров дар вазни сабуктарин қаҳрамони бокси Русия мебошад. Ӯ аз соли 2006 сар карда, бо боксчиёни касбӣ қувва меозмояд.                Ҳарифи С.Усаров Александр Фёдоров дар вазнҳои нисбатан калонтар қаҳрамони варзиши Русия гардида, нисбат ба варзишгари тоҷик таҷрибаи калон дорад. Ӯ дар чандин мусобиқаҳои байналхалқӣ дар Аврупо ва Амрико ширкат варзидааст.