МУСОБИҚАИ ЭНЕРГЕТИКҲОИ МАМЛАКАТҲОИ ИДМ

                 Душанбе, 18 сентябр. (АМИТ «Ховар», Кристина Эрлих). – Гурӯҳи мутахассисони соҳаи энергетикаи Тоҷикистон таҳти роҳбарии муовини раиси Ҷамъияти саҳҳомии «Барқи тоҷик» Шариф Исоев ба пойтахти Ҷумҳурии Қазоқистон шаҳри Остона рафт. Мутахассисони тоҷик дар ин ҷо дар мусобиқаи байналхалқии энергетикҳои мамлакатҳои ИДМ ширкат меварзанд, ки аз 16 то 22 сентябр баргузор мегардад.                  Мухбири АМИТ «Ховар» хабар медиҳад, ки дар мусобиқа дастаҳои Русия, Белорусия, Арманистон, Тоҷикистон, Қирғизистон, Ӯзбекистон ва Қазоқистон иштирок менамоянд.                  Мутахассисони соҳаи энергетика маҳорати худро дар бобати босуръат иҷро кардани корҳо, риояи техникаи бехатарӣ, истифодаи воситаҳои ҳимоя аз фалокат, истифодаи дурусти асбобу анҷом, инчунин бартараф сохтани фалокат дар бунгоҳҳо ва ғайра нишон медиҳанд.