ОЗМОИШИ РАКЕТАҲО ДАР ЭРОН
Маскав, 29 сентябр. (АМИТ «Ховар» — Lenta. ru). – Вазири корҳои хориҷии Федератсияи Русия Сергей Лавров баъди мулоқоташ бо вазири корҳои хориҷии Эрон Манучеҳри Муттақӣ изҳор намуд, ки маъмурияти мамлакат аз озмоиши нави ракетаҳои дурпарвоз дар заминаи ҳал нагардидани проблемаҳои ядроии Эрон изҳори ташвиши ҷиддӣ менамояд. С.Лавров роҳбарияти Эронро даъват намуд, ки ба эҳсосот роҳ надода, роҳи сабру таҳаммулро пеш гирад. Илова бар ин маъмурияти Русия вобаста ба сохтмони корхонаи дуюми тоза кардани моддаи радиоактивии уран изҳори ташвиш менамояд. Қайд карда шуд, ки ин масъала 1 октябр дар Женева зимни мулоқоти ҳайати шашгона бахшида ба проблемаҳои ядроии Эрон мавриди баррасӣ қарор дода хоҳад шуд. С.Лавров изҳор намуд, ки Теҳрон бояд ба аъзои комиссия дар бораи сохтмони корхонаи дуюми тоза кардани уран маълумоти муфассал пешниҳод намояд. Сохтмони корхонаи мазкур танҳо чанд рӯз пеш маълум шуд ва сабаби ташвиши ҷомеаи ҷаҳон гардид. Вазири корҳои хориҷии Русия инчунин аз афзудани миқдори озмоиши ракетаҳо дар Эрон изҳори ташвиш намуд. Хабар дода мешавад, ки рӯзи душанбе дар Эрон дар ҷараёни машқҳои ҳарбии Корпуси ҳомиёни инқилоби исломӣ боз як ракетаи дурпарвоз сар дода шуд. Ракетаи мазкур ба масофаи то ду ҳазор километр парвоз карда метавонад. Ба воситаи он киштиҳои ҳарбии Амрикоро дар Халиҷи Форс ҳадафи ҳуҷум қарор додан мумкин аст.
Дар Хуҷанд барои пешгирии бемориҳои сироятӣ вохӯрӣ доир гардид
Баланд бардоштани маърифати ҳуқуқӣ заминаи боэътимоди рушди босуботи ҷомеа мебошад
Истифодаи самараноки заминҳои наздиҳавлигӣ заминаи хуби фаровонҳосилӣ ва таъмини амнияти озуқаворӣ аст
Имрӯз дар Тоҷикистон ҳарорати ҳаво ба 38 дараҷа мерасад
ИСТИФОДАИ БОСАМАРИ ЗАМИН. Сокини деҳаи Гулистони ноҳияи Кӯшониён аз замини наздиҳавлигӣ ду-се ҳосил ба даст меорад
Дар шаҳри Гулистон сохтмони корхонаҳо ва васлу насби дастгоҳу таҷҳизоти муосир идома дорад
Бо ташаббуси Кумитаи иҷроияи Ҳизби Халқии Демократии Тоҷикистон дар вилояти Хатлон оид ба китобу китобхона ташаббусҳои ҳизбӣ доир мегарданд
Ҳамкории Литсейи касбии техникии нақлиёти роҳи оҳани Душанбе ва Донишгоҳи давлатии Кубан тақвият меёбад
Дар намоишгоҳи «Сӯзании Панҷакент» намунаи маҳсули ҳунармандони чирадаст ба намоиш гузошта мешавад
МАСЛИҲАТИ МУТАХАССИС. Мураббои анҷир кори дил ва рагҳои хунгардро муътадил мегардонад
Дар ҳашарҳои экологӣ 9 км канори шоҳроҳи мошингарди Исфара-Хуҷанд аз партовҳо тоза карда шуд
Имрӯз дар Тоҷикистон сар задани селҳои пиряхӣ аз эҳтимол дур нест
