РӮЙХАТИ НАВИ ДЗЮДОЧИЁНИ БЕҲТАРИНИ ҶАҲОН

                 Душанбе, 17 сентябр. (АМИТ «Ховар», Пайрав Назаров). – Федератсияи байналхалқии дзюдо моҳи сентябр баъди мусобиқоти қаҳрамонии 26 – уми дзюдочиёни ҷаҳон дар шаҳри Ротердами Голландия рӯйхати варзишгарони беҳтарини ҷаҳонро дар байни мардон ва занон нашр намуд. Ба рӯйхат намояндагони 35 мамлакати ҷаҳон шомил гардиданд.                  Мухбири АМИТ «Ховар» хабар медиҳад, ки дзюдочиёни тоҷик низ ба рӯйхати варзишгарони беҳтарин дохил карда шуданд.                 Аз ҷумла, варзишгарон Ҷамшед Халилов ва Шералӣ Бозоров бо 4 хол ҷойҳои 100 – ум ва 102 — юм, Фарҳод Раҳимов бо 40 хол ҷои 62 – юм ва Парвиз Собиров, Муҳаммадмурод Абдураҳмонов ва Шавкат Иқболов бо 60 хол ҷойҳои аз 40 то 44 – умро ишғол менамоянд.