СЕМИНАРИ МУФИД БАРОИ ЧОРВОДОРОН

                 Душанбе, 30 сентябр. (АМИТ «Ховар», Лаззат Диловарзод).- Бино ба иттилои маркази матбуоти Вазорати кишоварзӣ, бо ташаббуси вазорати мазкур, Пажӯҳишгоҳи чорводории Академияи илмҳои кишоварзӣ дар ноҳияи Ҷиргатол семинари ҷумҳуриявӣ оид ба «Рушди соҳаи қутоспарварӣ дар Тоҷикистон» доир гардид. Дар семинар муовини вазири кишоварзӣ Сиҷовиддин Исроилов дар бораи рафти иҷрои қарори Ҳукумати Ҷумҳурии Тоҷикистон «Дар бораи тасдиқи барномаи рушди соҳаи қутоспарварӣ дар ҷумҳурӣ барои солҳои 2008 — 2015» баромад ва суханронӣ намуд. Ба гуфти С. Исроилов, аини замон дар ҷумҳурӣ 22 ҳазору 126 сар қутос парвариш карда мешавад. Тибқи дурнамо, то соли 2015 саршумори қутос дар ҷумҳурӣ ба 65 ҳазор сар расонида мешавад.                Дар кори семинар ҳамчунин андешаҳои директори хоҷагии давлатии қутоспарварии «Қизилсу» -и ноҳияи Ҷиргатол М, Сангаков, , роҳбари хоҷагии зотпарварии «Булункул» — и ноҳияи Мурғоб Э. Жолукиев ва сарвари хоҷагии зотпарварии «Россия» — и ноҳияи Айнии вилояти Суғд А. Сангинов шунида шуд.                 Баъди семинар мутахассисон аз фермаҳои қутоспарварии ноҳия дидан карда, нуқтаи назари худро доир ба масъалаи рушди соҳа ба чорводорон иброз намуданд. Дар ноҳияи Ҷиргатол айни замон 415 сар қутос парвариш меёбад. Қутоспарварони ноҳия ният доранд то соли 2015 саршумори қутосро ба 1000 сар расонанд.