СОХТМОНИ СИСТЕМАИ ОБТАЪМИНКУНӢ ДАР БЕМОРХОНА

                 Кӯлоб, 14 сентябр. (АМИТ «Ховар», Сулаймон Холов).- Дар беморхонаи марказии ноҳияи Кӯлоб як системаи обтаъминкунӣ барои беморхона ва аҳолии деҳот мавриди истифода қарор дода шуд, ки маблағи он 368529 сомониро дар бар мегирад, гуфт сардухтури беморхонаи марказии ноҳияи Кӯлоб Маҳмадназар Талбаков ва афзуд, ки маблағи 162 686 сомонии дигар барои болопӯши бинои шӯъбаи бемориҳои сироятӣ ҷудо гардида буд, ки айни ҳол таъмири он ба итмом расидааст. Ба гуфтаи ин манбаъ бинои нави бемориҳои сироятӣ аз ҳашт утоқ иборат буда, 30 нафар бемор метавонанд дар ин бино муолиҷа гиранд. Маблағгузорӣ барои таъмир ва сохтмон аз тарафи Бонки Рушди Осиё ҷудо гардида, то ин ҷониб дар шаҳри Кӯлоб беш аз 1 миллион сомонӣ корҳо ба итмом расонидааст.