ТАҚСИМОТИ АСБОҲОИ ТИББӢ

                 Душанбе, 16 сентябр. (АМИТ «Ховар», Ибодат Давлатова). – Маркази тадбиқи Лоиҳаи тандурустии заминавӣ ва ҷамоавӣ дар доираи тадбиқи ислоҳоти соҳаи тандурустӣ ба ноҳияҳои таҷрибавии вилояти Хатлон, Норак, Сарбанд, Қубодиён ва дигар ноҳияҳо тақсимоти маҷмӯи асбобҳои тиббиро ба охир расонд.                  Тавре ба мухбири АМИТ «Ховар» ҳамоҳангсоз бо ҷомеа ва васоити ахбори оммаи Лоиҳаи Бонки ҷаҳонӣ Лайлӣ Аҳмадова хабар дод, маркази Лоиҳаи тандурустии заминавӣ ва ҷамоавӣ аз рӯи нақша ба 38 муассисаи тиббии ноҳияҳои таҷрибавӣ ин асбобҳоро ҷудо намудааст.                  Ҳамчунин, дар вилояти Суғд ин гуна асбобҳо тақсим карда мешаванд. Ҳамаи ин асбобҳо барои кори мунтазами кормандони тиббии ноҳияҳо ва расондани хизмати босифати тиббӣ ба аҳолӣ мебошад. Дар марказҳои саломатии шаҳриву деҳотӣ ва хонаҳои саломатии навбунёд, ки Лоиҳаи мазкур аз таъмири баландсифат баровардааст, ин асбобҳо ва ҷиҳози корӣ фаъолияти духтурон ва ҳамшираҳои тиббиро хуб ва мушкилоти аҳолиро осон мекунад.                   Инчунин, бояд зикр намуд, ки дар ноҳияҳои таҷрибавии вилояти Суғду Хатлон Маркази тадбиқи Лоиҳаи тандурустии заминавӣ ва ҷамоавӣ ҳамаи духтурон ва ҳамшираҳоро бо курси бозомӯзии тибби оилавӣ таълим додааст.