ВАЗОРАТ БА СИМПОУЗИМИ ОМАДА АСТ

                   Душанбе, 24 сентября. (АМИТ «Ховар», Фарангис Раҳимова). — Дирўз, 23 сентябр дар Вазорати фарҳанги Ҷумҳурии Тоҷикистон ҷаласаи ҳайати мушовараи вазорат баргузор гашт, ки дар кори он се масъалаи муҳим баррасӣ гардид.                    Тавре ба АМИТ «Ховар» аз маркази матбуоти Вазорати фарҳанг хабар доданд, дар ҷаласаи ҳайати мушовара қайд гардид, ки ҷараёни тайёрӣ оид ба гузаронидани Симпозиуми байналхалқӣ ба ифтихори 1310-солагии Имоми Аъзам, ки 5-6 октябри соли равон дар Душанбе баргузор мегардад ва зиёда аз 500 нафар меҳмонон аз 50 мамлакати дунё дар он иштирок хоҳанд кард, хуб ба роҳ монда шудаааст.                     Аз ҷумла дар маҷлиси навбатӣ нахуст гузориши сармутахассиси шўъбаи танзими техники вазорат Раҷабов А. вобаста ба андешидани тадбирҳо оид ба иҷрои талаботи зиддисўхтор дар дастгоҳи марказии вазорат ва сохторҳои он, шунида шуд.                    Бояд гуфт, ки дар кори ҳайати мушовара ҳамчунин сардори Сарраёсати давлатии оташнишонии ВКД – полковник Каримов М. иштирок дошт, ки доир ба масъалаи зикргардида гузориш до ва дар баромади худ, таъкид намуд, ки камбудиҳои ҷойдошта то оғози мавсими зимистон бояд бартараф карда шаванд.                   Дар анҷоми ҷаласа Вазири фарҳанг ба сохторҳои зертобеи вазорат супориш дод, ки камбудиҳои ҷойдоштаи соҳа ҳарчи зудтар ислоҳ гардад. Ҳамчунин, вобаста ба масъалаи сеюм таъкид шуд, ки маъракаи мазкур бояд дар сатҳи баланди байналхалқӣ гузаронида шавад.