ҒАЛАБАИ НАМОЯНДАИ ТОҶИКИСТОН ДАР МУСОБИҚАИ ҶАҲОНӢ

                 Душанбе, 17 октябр. (АМИТ «Ховар» Фирдавс Табаров). – Дар мусобиқаи ҷаҳонӣ оид ба таэкван-до варзишгари тоҷик Далер Сайфиддинов ба гирифтани медали тиллоии мусобиқа мушарраф шуд. Дар мусобиқаи ниҳоӣ барои гирифтани ҷойи аввал дар вазни 78 кг. намояндаи Тоҷикистон бо варзишгари дастаи яккачини Чех Ян Марек вохӯрда ӯро ба мағлубият дучор кард. Дар ин бора ба АМИТ «Ховар» аз федератсияи таэкван-до — и мамлакат хабар доданд.                 Дастаи яккачини Ҷумҳурии Тоҷикистон оид ба таэкван-до дар арсаи байналхалқӣ яке аз дастаҳои пурқувват дониста мешавад ва дар ҷадвали ҷаҳонӣ баъд аз асосгузорони ин намуди варзиш – кореягиҳо ҷойи дуввумро ишғол мекунанд.