ҲАЙАТИ НАМОЯНДАГОНИ ПОЛША БА ТОҶИКИСТОН МЕОЯНД

                  Душанбе, 28 октябр. (АМИТ «Ховар», Покиза Маҳмадбекова).- Имрӯз 28 октябр, муовини аввали Раиси Палатаи савдо ва саноати ҶТ Одил Сангов бо Мушовири сафоратхонаи Полша дар Тоҷикистон Славомир Стшалковски вохурӣ кард.                  Аз Палатаи савдо ва саноати ҶТ ба АМИТ «Ховар» хабар доданд, ки дар мулоқот тарафайн барномаи сафари қарибулвуқӯъи ҳайати Полшаро дар Ҷумҳурии Тоҷикистон баррасӣ карданд.                  Дар ҳайати намояндагони Полша ширкатҳои зайл ташриф меоранд: Гурӯҳи Бумар (сохтани роҳҳо, хизматрасонии техникаи хоҷагии қишлоқ), Гурӯҳи Капитал POL-DROG (сохтмони роҳҳо), «Herbapol» (доруворӣ), POLPHARMA (дорусозӣ), ВУДМЕКС (лоиҳасозӣ ва сохтмон), Вермонстрой (хизматрасонии сохтмонӣ), UNI-TECH (таҷҳизот барои саноати хурокворӣ), «ABPLANALP CONSULTING» (таҷҳизот барои коркарди метал, пласмас, лоиҳасозӣ ва ворид кардани технологияҳо).