ҶАВОБГАРОНИ САДАМАИ САЯНО – ШУШЕНСК

                Душанбе, 14 октябр. (АМИТ «Ховар», Лаззат Диловарзод).- Аз ҷониби 26 нафар мутахассисони идораҳои тобеи «Ростехнадзор» дар 142 саҳифа натиҷаи санҷиши садамаи нерӯгоҳи Саяно – Шушенскро «Газета Ру» интишор намуд. Ҷавобгарии асосӣ ба зиммаи собиқ роҳбари РАО «ЕЭС Россия» Анатолии Чубайс ва дигар роҳбарони собиқи энергетикаи Русия гузошта шудааст.                  Аз рӯи маълумоти «Ростехнадзор», агрегати охирини ин нерӯгоҳ, ки соли 1985 ба истифода дода шудааст, танҳо соли 2000 –ум бе санҷиши коршиносон, роҳбари онвақтаи РАО «ЕЭС Россия» Анатолии Чубайс ба ҳуҷҷатҳои расмӣ оид ба қабули агрегат имзо гузошта, онро мавриди баҳрабардорӣ қарор медиҳад.                   Дар рӯйхати ҷавобгарони фоҷеаи садамаи нерӯгоҳи мазкур 6 нафар мансабдорон, аз ҷумла, директори техникии РАО «ЕЭС Россия» Борис Вайнзихер, собиқ сармуҳандиси нерӯгоҳи мазкур Валентин Стафисвекий, аъзо корреспонденти АИР Анатолии Дяконов, собиқ вазири энергетика Игор Юсуфов ва муовини ҳозираи вазири энергетика Вячеслав Синюгин ворид карда шудааст.                 — Ин фоҷеа метавонад сабақе дар фаъолияти нерӯгоҳҳои дигар давлатҳои соҳиби нерӯгоҳҳои барқи обибуда, шуда тавонад. Аз ин ҷиҳат, ҳамаи он мансабдороне, ки аз рӯи амалашон метавонанд сабаби рух додани чунин фалокатҳо гарданд, ҳеҷ вақт аз ҷавобгарӣ озод буда наметавонанд, — иброз дошт коршинос Носир Ғанӣ ба мухбири АМИТ «Ховар».