БАРНОМАИ РУШДИ СОҲАИ БОҒУ ТОКПАРВАРӢ АМАЛӢ ГАРДИД

                 Душанбе, 28 октябр. (АМИТ «Ховар», Лаззат Диловарзод).- Бино ба маълумоти Кумитаи давлатии омор, то моҳи октябри соли ҷорӣ дар ҳамаи сохторҳои хоҷагидорӣ 5280 гектар боғҳои нав бунёд карда шудааст, ки нисбат ба «Барномаи барқарорсозӣ ва рушди минбаъдаи соҳаи боғу токпарварӣ дар ҶТ барои солҳои 2007 — 2010» 3,6 баробар зиёд аст.                     Аз масоҳати умумии боғҳо; — 1892 гектар мевагиҳои тухмдор, 2875 гектар донакдор, 337 гектар мағздор ва 176 гектарро меваҳои субтропикӣ ташкил медиҳад. Аз миқдори умумии боғҳои нав 1565 гектар дар заминҳои лалмӣ бунёд карда шудааст.                  Дар ҳамин давра, 1088 гектар токзорҳои нав бунёд карда шудааст, ки нисбат ба талаби барномаи мазкур 2, 2 баробар зиёд аст. Солҳои охир дар заминҳои лалмӣ бунёд намудани боғҳо зиёд гардида, боғҳои кӯҳна аз нав барқарор карда шуданд.