Э. РАҲМОН ҶИҲАТИ АНҶОМИ САФАРИ КОРӢ БА ТУРКМАНИСТОН САФАР КАРД

                  Имрӯз Президенти Ҷумҳурии Тоҷикистон Эмомалӣ Раҳмон ҷиҳати анҷоми сафари корӣ ба Туркманистон сафар кард.                    Дар ин сафар Президенти Ҷумҳурии Тоҷикистон Эмомалӣ Раҳмонро Вазири корҳои хориҷӣ Ҳамрохон Зарифӣ, Мушовири давлатии Президенти Ҷумҳурии Тоҷикистон оид ба сиёсати хориҷӣ Эркин Раҳматуллоев, Вазири молия Сафаралӣ Наҷмуддинов, Вазири энергетика ва саноат Гул Шералӣ, Раиси Кумитаи ҷавонон, варзиш ва сайёҳӣ Маликшо Неъматов, Раис Ширкати Саҳомии Холдингии Кушоди «Барқи Тоҷик» Санъат Раҳимов ва дигар шахсони расмӣ ҳамроҳӣ менамоянд.                   Дар фурӯдгоҳи пойтахт Президенти Ҷумҳурии Тоҷикистон Эмомалӣ Раҳмонро раиси Маҷлиси миллии Маҷлиси Олии Ҷумҳурии Тоҷикистон Маҳмадсаид Убайдуллоев, раиси Маҷлиси намояндагони Маҷлиси Олии Ҷумҳурии Тоҷикистон Сайдулло Хайруллоев, Роҳбари Дастгоҳи иҷроияи Президенти Ҷумҳурии Тоҷикистон Амиршо Миралиев,   Муовини аввали Сарвазири Ҷумҳурии Тоҷикистон Асадулло Ғуломов ва дигар ашхоси расмӣ гусел намуданд.