ИШТИРОКИ САФИРИ ТОҶИКИСТОН ДАР ҶАШНИ 60 – СОЛАГИИ ЧИН

                 Пекин, 2 октябр. (АМИТ «Ховар» — russian.china.org.сn). – Сафири фавқулодда ва мухтори Ҷумҳурии Тоҷикистон дар Чин Рашид Олимов баъди чошти 1 октябр дар маросими ботантанаи таҷлили 60 – солагии истиқлолияти давлатии Ҷумҳурии Мардумии Чин ширкат варзид.                  Вай баъди анҷоми расми гузашт зимни сӯҳбат бо хабарнигорон изҳор намуд, ки дар ҷараёни он муваффақиятҳои дар давоми 60 – сол ба даст овардаи ҳамаи вилоятҳо ва минтақаҳои мамлакат намоиш дода шуданд. Қайд карда шуд, ки қисмати ба Ноҳияи мухтори Шинҷону Уйғур дахлдоштаи ҷашн диққатҷалбкунанда буд. Ин ноҳия бо Тоҷикистон ҳамсарҳад мебошад ва шароити иқлиму табиат ва тарзи зиндагии мардуми он бо халқи тоҷик умумияти зиёд дорад. Дар ҷараёни ид намунаҳои маҳсулоти кишоварзӣ ва рақсу мусиқии миллии халқҳои ин ноҳия намоиш дода шуданд. Ноҳияи Мухтори Шинҷону Уйғур тӯли солҳои охир ба пешрафти калони иқтисодӣ ноил гардид, гуфт Рашид Олимов.