МАҶЛИСИ ИДОНАИ ШӮРОИ РОҲБАРОНИ МУАССИСАҲОИ ГУМРУКИ ИДМ

                  Душанбе, 7 октябр. (АМИТ «Ховар», Фирдавс Таваров). — 9 октябр дар шаҳри Қазони Федератсияи Русия Маҷлиси навбатии 50 – уми идонаи Шӯрои роҳбарони муассисаҳои гумруки ИДМ баргузор мегардад. Дар он роҳбарони муассисаҳои гумруки Русия, Белорусия, Қазоқистон, Тоҷикистон, Озарбойҷон, Қирғизистон, Ӯзбекистон, Туркманистон, Арманистон, Гурҷистон, Украина ва Молдавия иштирок хоҳанд кард.Мухбири АМИТ «Ховар» хабар медиҳад, ки иштирокчиёни маҷлис масъалаҳои ташкили системаи ягонаи иттилоотии хадамоти гумруки давлатҳои ИДМ, ҷараёни иҷрои ҳуҷҷатҳои дар соҳаи гумрук қабулнамудаи Шӯрои мазкур, натиҷаҳои фаъолияти гурӯҳи кории омори хориҷӣ ва ҳисоботро дар бораи фаъолияти Кумитаи роҳбарони муассисаҳои гумруки Шӯро муҳокима хоҳанд кард.