МАЪРАКАИ ЭМКУНИИ КӮДАКОН ДАВОМ ДОРАД

                 Душанбе, 6 октябр. (АМИТ «Ховар», Лаззат Диловарзод).- Маъракаи эмкунӣ ва наҷоти кӯдакон аз беморӣ ба барномаҳои миллӣ Ҳукумати ҷумҳурӣ ворид карда шудааст.                 Бино ба гуфти намояндаи фонди фавқулоддаи ёрӣ ба бачагони назди Ташкилоти Давлатҳои Муттаҳид (ЮНИСЕФ) дар Ҷумҳурии Тоҷикистон Хонгвей Гао эмкунии саривақтии кӯдакон бар зидди бемориҳои бачагонаи гул ва сурхакон воситаи асосии аз бемориҳо раҳонидани кӯдакон мебошад.                 Эмкунии зидди бемории гул ва сурхакон аз ҷониби Вазорати тандурустӣ бо дастгирии фонди кӯдакони СММ (ЮНИСЕФ) ва ташкилоти байналмилалии тандурустӣ (ВОЗ) гузаронида мешавад.                 Дар маъракаи дуҳафтаинаи эмкунӣ 2,5 млн. кӯдакони аз 1 то 14 сола фаро гирифта мешаванд.                Ваксинатсиякунӣ дар тамоми дармонгоҳҳо, мактабу интернатҳо ва дигар муассисаҳои томактабӣ гузаронида мешавад.