МАШҚҲОИ ЯКҶОЯИ ҲАРБӢ
Душанбе, 8 октябр. (АМИТ «Ховар», Фирдавс Табаров) — Дирӯз дар пойгоҳи таълимии Матибулоқи Ҷумҳурии Қазоқистон даври аввали машқҳои якҷояи Қувваҳои зудамали Созмони аҳдномаи амнияти дастаҷамъӣ баргузор гардид. Дар ин машқҳо намояндагони қувваҳои мусаллаҳи аъзои СААД – Федератсияи Русия, Қазоқистон, Арманистон, Белоруссия, Қирғизистон ва Тоҷикистон иштирок мекунанд. Тавре ба АМИТ «Ховар» аз маркази матбуоти вазорати мудофиаи мамлакат иттилоъ доданд, аз Ҷумҳурии Тоҷикистон дар ин машқҳо ҳайати афсарони Ситоди генералӣ бо сардории генерал-майор Зариф Бобокалонов ширкат карданд. Дар машқҳои таълимии 7 октябр баргузор шуда тартиб ва усулҳои истифодаи авиатсия ва артиллерияи қувваҳои зудамали СААД, ҳамчунин нобуд кардани душмани шартӣ дар маҳалли аҳолинишин аз худ карда шуд. Ёдовар мешавем, ки моҳи сентябр ҷузъу томҳои вазорати мудофиаи Тоҷикистон дар ҳамбастагӣ бо низомиёни пойгоҳи ҳарбии 201 Федератсияи Русия ва гурӯҳи зудамали вазорати дифои Қирғизистон дар пойгоҳи таълимии Лоҳур машқҳои ҳарбӣ гузаронида буданд.
Дар Суғд ғолибони даври вилоятии озмунҳои ҷумҳуриявӣ муайян гардиданд
Имрӯз дар Тоҷикистон чангу ғубор боқӣ мемонад
Дар Ҳисор дар мавзуи муқовимат ба коррупсия конфронси илмӣ доир гардид
Ҷалби ташкилоти хориҷӣ ба Форуми байналмилалии «Dushanbe Invest 2025» баррасӣ гардид
«МегаФон Life»: осонтар, зудтар ва муносибтар аст
Имрӯз дар Тоҷикистон ҳавои тағйирёбанда шуда, сар задани селҳои пиряхӣ аз эҳтимол дур нест
Беш аз 50 хонаводаи маҳаллаи Деҳқонободи ноҳияи Мастчоҳ бо оби нӯшокӣ таъмин мегарданд
Лоиҳаи Харитаи роҳ доир ба татбиқи ташаббусҳо дар самти «Ояндабинии Осиёи Марказӣ– 2050» муаррифӣ шуд
Дар ноҳияи Ашт соҳилҳои рӯди маҳаллӣ мустаҳкам карда мешаванд
Дар Суғд ҷаласаи сайёри Кумитаи иҷроияи марказии Ҳизби Халқии Демократии Тоҷикистон доир гардид
Имрӯз дар Тоҷикистон сар задани селҳои пиряхӣ дар назар аст
