МАВОДИ НАШЪАОВАР ДАР ҚАТОРАИ РОҲИ ОҲАН

                 Душанбе, 20 октябр. (АМИТ «Ховар», Таҳмина Ғоибназарова). – 19 октябр кормандони Раёсати корҳои дохилӣ дар нақлиёти вилояти Хатлон ҳангоми азназаргузаронии шахсии сокини ноҳияи Данғара Ҷонибек Раҳмонов маводи нашъаовар дар ҳаҷми 11 кг. дарёфт карданд. Ҷонибек Раҳмонов дар истгоҳи Гулистони ноҳияи Восеъ дар қатораи хатсайри Қурғонтеппа — Кӯлоб бо 6 кг 870 гр афюн ва 4 кг 200 гр гашиш дастгир гардид.                   «Оид ба ин ҳодиса парвандаи ҷиноятӣ кушода шуда тафтишот идома дорад, — чунин иттилоъ доданд аз маркази матбуоти ВКД ҶТ ба АМИТ «Ховар».