НАТИҶАҲО НАЗАРРАСАНД

                  Кӯҳистони Мастчоҳ, 2 октябр. (АМИТ «Ховар», М. Ризвонов).- Соли равон кишоварзони Кӯҳистони Мастчоҳ дар майдони 502 гектар зироатҳои ғалладона ва 1532 гектар картошка кишт намуданд. Аҳли заҳмати ноҳия 502 гектар ғаллазорро аз дарав бароварда, аз ҳар гектар 35-38 сентнерӣ ҳосил ба даст оварданд.                  Имрӯзҳо ҷамъоварии ҳосили картошка идома дорад. Аз ҳар гектар 300-367 сентнер ва дар алоҳида хоҷагиҳои «Валганд» ва «Тагоб» аз ҳар гектар 400-420 сентнерӣ ҳосил ба даст оварда шуд, гуфт дар сӯҳбат сардори раёсати кишоварзии ноҳияи Кӯҳистони Мастчоҳ Идибой Шарифов.