САДАМАҲОИ НАҚЛИЁТӢ КАМ НАМЕШАВАНД

                 Душанбе, 20 октябр. (АМИТ «Ховар», Наталя Михайлова). – Тавре ба АМИТ «Ховар» аз Сарраёсати бозрасии давлатии автомобилии вазорати корҳои дохилии Ҷумҳурии Тоҷикистон иттилоъ доданд, новобаста ба чораҳои пешгирӣ ва фаҳмондадиҳӣ ҳодисаҳои садамаи нақлиётӣ дар ҳудуди ҷумҳурӣ кам намешаванд. Чунончӣ, 18 октябр дар шоҳроҳи Файзобод – Ваҳдат ронандаи автомашинаи тамғаи «Опел — Астра» Субҳон Хоҷаев аз ӯҳдаи идораи автомашина набаромада пиёдагарди 11 сола Абӯбакри Ҳикматуллоро пахш кард. Дар натиҷа пиёдагард Абӯбакри Ҳикматулло дар ҷои ҳодиса ҳалок гардид.                   Умуман дар давоми ҳафтаи гузашта дар ҷумҳурӣ 29 ҳодисаи садамаи нақлиётӣ ба қайд гирифта шуд. Дар натиҷаи он 10 нафар фавтида, 28 нафари дигар ҷароҳатҳои гуногуни ҷисмонӣ гирифтанд.