САФАРИ ОҚИЛ ОҚИЛОВ БА ПЕКИН

                 Душанбе, 13 октябр. (АМИТ «Ховар», Наргис Бояҳмедова). – Сарвазири мамлакат Оқил Оқилов дар иҷлосияи навбатии Шӯрои сарони давлатҳои Созмони ҳамкории Шанхай, ки рӯзи 14 октябр дар Пекин баргузор мегардад иштирок мекунад.                 Тавре ба АМИТ «Ховар» аз Хадамоти матбуотии Президенти Ҷумҳурии Тоҷикистон хабар доданд, дар иҷлосияи навбатӣ масъалаҳои бартараф кардани оқибатҳои бӯҳрони молиявии ҷаҳонӣ, рушди иқтисодиёт, ҳамкориҳо дар соҳаи илм, маориф, фарҳанг ва тандурустӣ муҳокима карда мешаванд.                  Дар ҳайати Созмони ҳамкории Шанхай Русия, Чин, Қазоқистон, Қирғизистон, Тоҷикистон ва Ӯзбекистон шомил буда, Муғулистон, Ҳиндустон, Эрон ва Покистон ҳамчун давлатҳои нозири СҲШ ба шумор мераванд.