Ш. ЛАТИФОВ: ДАР ШАҲРИ ДУШАНБЕ АМАЛИЁТИ «НАЗОРАТ» ГУЗАРОНИДА МЕШАВАД

                Душанбе, 26 октябр. (АМИТ «Ховар», Жасмин Назарова). – Бо мақсади пешгирӣ намудани фалокатҳои нохуши нақлиётӣ, баланд бардоштани ҳолати техникӣ, ҷалбшавии пурраи воситаҳои нақлиёти автомобилӣ ба муоинаи ҳатмии давлатии техникӣ аз 26 октябр то 5 ноябри соли ҷорӣ дар шаҳри Душанбе амалиёти муоинаи техникӣ бо номи шартии «Назорат» гузаронида мешавад.                  Тибқи иттилои сардори маркази матбуотии БДА подполковники милитсия Шерафган Латифов, барои муайян намудани воситаи нақлиёте, ки аз муоинаи техникии соли 2009 нагузаштаанд дар якҷоягӣ бо бозрасии минтақавӣ ва дигар хадамоти милитсия, чорабиниҳо гузаронида мешавад. Инчунин нақлиётҳо барои гузаронидани муоинаи солонаи техникӣ ба «автодиагностика» воқеъ дар 9-ум километр ва кӯчаи Р. Набиев, инчунин ба прокати 63 воқеъ дар кӯчаи Н. Қарабоев равон карда мешавад.                 Барои пурзӯр намудани назорат аз болои кори сертификатсиякунонии ҳолати техникии воситаҳои нақлиёти мусофирбар ва литсензиякунонии фаъолияти ронандагони онҳо дар дидбонгоҳҳои доимо амалкунанда, ки дар 9 – ум км шоҳроҳи Душанбе – Ваҳдат ва Варзоб бо якҷоягии кормандони инспекцияи нақлиётии шаҳри Душанбе нуқтаҳои назоратӣ ташкил карда шуда фаъолияти нақлиёти мусофирбар бо пуррагӣ зери назорат қарор дода мешавад, гуфт Ш. Латифов.