ТАҚВИЯТИ МУБОРИЗА БА МУҚОБИЛИ МУҲОҶИРАТИ ҒАЙРИҚОНУНӢ

                Маскав, 1 октябр. (АМИТ «Ховар», Ҳалима Хушқадамова). – 2 октябр дар Минск маҷлиси Шӯрои ҳамоҳангсози роҳбарони муассисаҳои салоҳиятдори давлатҳои аъзои Созмони аҳдномаи амнияти дастаҷамъӣ дар масъалаи тақвияти мубориза ба муқобили муҳоҷирати гайриқонунӣ баргузор мегардад.               Дар он роҳу усулҳои ҳамкории муассисаҳои салоҳиятдори давлатҳои аъзои созмон бо созмонҳои байналхалқӣ, такмил додани қонунҳои муҳоҷирати мамлакатҳо бо ин мақсад муҳокима карда хоҳад шуд.                 Мухбири АМИТ «Ховар» хабар медиҳад, ки маҷлис таҳти раёсати директори Хадамоти федералии муҳоҷирати Русия, генерал – полковник Константин Ромодановский гузаронида мешавад.