«ТОҶИК ЭЙР» БОЗ ЯК «БОИНГ» — И ДИГАР ХАРИД

                  Душанбе, 6 октябр. (АМИТ «Ховар», Мавзуна Бойева). – Корхонаи воҳиди давлатии муассисаи ҳавонавардии «Тоҷик Эйр» соҳиби боз як ҳавопаймои «Боинг» гардид. 3 октябр ҳавопаймои нави «Боинг – 737 – 500» ба майдони ҳавоии пойтахт фуруд омад, ки бо роҳи қарзи дарозмуддат харида шудааст. Ҳавопаймои мазкур тибқи қарордод бо ширкати «Авиа Ассет Менеҷмент» аз Литва гирифта шуд.                   Роҳбарияти ширкат барои истифодаи ҳавопаймоҳои сохти хориҷӣ мутахассисони маҳаллиро тайёр менамояд. Имрӯз 11 ҳайати лётчикҳо бо ҳавопаймоҳои навъи «Боинг» ба мамлакатҳои гуногун парвоз мекунанд.