«ТОҶИКСЕМЕНТ» АЗ АНГИШТСАНГ ИСТИФОДА МЕНАМОЯД

                 Душанбе, 21 октябр.(АМИТ «Ховар», Марзия Саидова).-То охири соли 2009 дар Ҷамъият саҳҳомии шакли кушодаи «Тоҷиксемент» коргоҳи истеҳсолоти дуюм, ки аз ду печ иборат аст, як печаш бо истифода аз ангиштсанг ба фаъолият шурӯъ менамояд. Дар ин хусус ба АМИТ «Ховар» муовини директори ҶСШК «Тоҷиксемент» Фазила Сафарова иттилоъ дод. Мавсуф гуфт, ки коргоҳи истеҳсолии дуюми корхона ҳанӯз 60 сол муқаддам, соли 1949 ба истифода дода шудааст.                   Фазила Сафарова афзуд, ки ҳадафи ба кор андохтани коргоҳ бо истифода аз ангишт, баланд будани нархи гази табиӣ мебошад, ки алҳол корхона 1000 куби онро аз ҶСШК «Тоҷиктрансгаз» ба маблағи 285 доллари амрикоӣ харидорӣ менамояд.                  Мавриди зикр аст, ки ҶСШК «Тоҷиксемент» яке аз калонтарин корхонаҳои саноатии ҷумҳурӣ буда, хати якуми технологии истеҳсоли семент тавассути печи даврзанандаи дарозиаш 25 метра бо истифодаи ангиштсанг соли 1942 сохта ба истифода дода шуда буд.                    Дар давоми солҳо дар асоси азнавсозиҳо ва таҷдидҳои техникӣ иқтидори истеҳсолии корхона ба 11 00000 тонна семент дар як сол расонида шуд.                   Алҳол, дар корхона ду навъи семент –сементи қатории «М-400» ва сементи тобовари «М-4» истеҳсол карда мешавад. Маҳсулоти истеҳсолии корхона- семент барои сохтмони иншооти муҳими стратегии мамлакат истифода мешаванд.                  Бояд тазаккур дод, ки корхона дорои 23 коргоҳ буда, дар он беш аз 1000 нафар коргар дар се баст фаъолият менамоянд.