ҶАЛАСАИ ШӮРОИ МАҶЛИСИ НАМОЯНДАГОН

                Душанбе, 9 ноябр. (АМИТ «Ховар», Дилшодаи Ҷонмард).-Лоиҳаи Қонуни Ҷумҳурии Тоҷикистон «Дар бораи Буҷети давлатии Ҷумҳурии Тоҷикистон барои соли 2010 » дар ҷаласаи Шӯрои Маҷлиси намояндагони Маҷлиси Олии Ҷумҳурии Тоҷикистон, ки 9 ноябри соли равон таҳти Раёсати раиси Маҷлиси намояндагон Сайдулло Хайруллоев баргузор гардид, мавриди баррасии аъзои Шӯро қарор гирифт.                 Тавре ба мухбири АМИТ «Ховар» аз маркази матбуотии Маҷлиси намояндагон иттилоъ доданд, дар ҷаласаи Шӯро лоиҳаи Қонунҳои Ҷумҳурии Тоҷикистон «Оид ба ворид намудани илова ба Қонуни Ҷумҳурии Тоҷикистон» «Дар бораи рӯзҳои ид», «Оид ба ворид намудани илова ба Қонуни Ҷумҳурии Тоҷикистон», «Дар бораи милитсия», «Оид ба ворид намудани тағйиру иловаҳо ба Кодекси андози Ҷумҳурии Тоҷикистон», «Дар бораи ворид намудани иловаҳо ба Кодекси граждании Ҷумҳурии Тоҷикистон», Дар бораи ворид намудани тағйиру иловаҳо ба Кодекси оби Ҷумҳурии Тоҷикистон», Оид ба лоиҳаи Қарори Маҷлиси намояндагони Маҷлиси Олии Ҷумҳурии Тоҷикистон дар бораи Барномаи давлатии қарзгирии берунаи Ҷумҳурии Тоҷикистон барои солҳои 2010-2012, дар бораи доир намудани муҳокимаи парламентӣ оид ба иҷрои Буҷети давлатии Ҷумҳурии Тоҷикистон дар нӯҳ моҳи соли 2009. Дар бораи даъват кардани ҷаласаи навбатии иҷлосияи шашуми Маҷлиси намояндагони Маҷлиси Олии Ҷумҳурии Тоҷикистон даъвати сеюм ва оид ба лоиҳаи Қарори маҷлиси намояндагони Маҷлиси Олии Ҷумҳурии Тоҷикистон «Дар бораи рӯзномаи ҷаласаи навбатии иҷлосияи шашуми маҷлиси намояндагони Маҷлиси Олии Ҷумҳурии Тоҷикистон» даъвати сеюм мавриди баррасӣ қарор гирифтанд.              Зикр гардид, ки лоиҳаи Қонуни Ҷумҳурии Тоҷикистон «Дар бораи Буҷети давлатии Ҷумҳурии Тоҷикистон барои соли 2010» идомаи мантиқии сиёсати бунёдкорона ва созандаи роҳбарияти давлату Ҳукумати Ҷумҳурии Тоҷикистон буда, барои некӯаҳволии тамоми соҳаҳои хоҷагии халқи мамлакат равона гардидааст.