ДАЪВАТИ ТОҶИКИСТОН
Душанбе, 20 ноябр. (АМИТ «Ховар», Наргис Бояхмедова). – Аз 16 то 18 ноябри соли равон дар Душанбе конфронси минтақавии мусоидат ва ҳамкории мамлакатҳои Осиёи Марказӣ дар масъалаи безарар гардондани минаҳо баргузор гардид. Ташкилкунандагони конфронси мазкур вазорати корҳои хориҷии Ҷумҳурии Тоҷикистон, намояндагии САҲА дар Тоҷикистон ва Бунёди байналмилалии эҳтимоди Ҷумҳурии Словения мебошанд. Мухбири АМИТ «Ховар» хабар медиҳад, ки дар конфронс вазири адлияи Ҷумҳурии Тоҷикистон Бахтиёр Худоёров сухан кард. Вай изҳор намуд, ки Тоҷикистон ҷонибдори аз мина тоза кардани тамоми қаламрави Осиёи Марказӣ мебошад. Бинобар ин ҳамаи малактҳои минтақа даъват карда мешаванд, ки ба муоҳидаи Оттава дар бораи истифода набурдан ва безарар гардонидани минаҳои зидди пиёдагардон ҳамроҳ шаванд. Б.Худоёров зикр кард, ки проблемаи минаҳо дар Тоҷикистон ҳанӯз пурра ҳал нашудааст. Мувофиқи муоҳидаи Оттава қаламрави ҷумҳурӣ бояд то 1 апрели соли 2010 аз мина пурра тоза карда шавад. Вале иҷрои нақшаи мазкур бо сабаби нарасидани маблағ, мутахассисони безарар гардондани минаҳо ва воситаҳои механикӣ дар мӯҳлати муқаррашуда имконнопазир мебошад. Ҳукумати Тоҷикистон пешниҳод кард, ки мӯҳлати безарар гардондани минаҳо 9 соли дигар дароз карда шавад. Ин масъала дар конфронси ояндаи наздик дар Колумбия баргузоршаванда муҳокима карда мешавад. Вазири адлияи ҷумҳурӣ дар бораи проблемаи аз мина тоза кардани минтақаҳои наздисарҳадии Тоҷикистону Ӯзбекистон сухан ронда, зикр кард, ки ин ба аҳолӣ ва иқтисодиёти мамлакат зарари хеле калон мерасонад. Баъди соли 1999 бар асари таркиши минаҳо 74 нафар ҳалок ва 161 нафар маҷрӯҳ шуд. Қайд карда шуд, ки Ҷумҳурии Ӯзбекистон иштирокдори ҳуҷҷатҳои байналхалқии эҳтироми ҳуқуқи инсон ва узви созмонҳои мӯътабари минтақавию байналхалқӣ мебошад. Бинобар ин ин мамлакат бояд дар ҳалли проблемаи безарар гардондани минаҳо дар минтақаи сарҳад саҳми худро гузорад. Б.Худоёров пешниҳод кард, ки дар Осиёи Марказӣ муассисаи махсуси ҳамоҳангсози тадбирҳои безарар гардондани мина таъсис дода шавад. Ин имкон хоҳад дод, ки тамоми қаламрави Осиёи Марказӣ аз хавфи фалокатбори минаҳо пурра тоза карда шавад, гуфт вазири адлияи Тоҷикистон.
Дар Душанбе сеюмин Форуми Тоҷикистон ва Чин оид ба таҳсилоти муҳандисӣ-техникӣ доир шуд
Сулҳи тоҷикон барои давлатҳои ҷаҳон ҳамчун таҷриба пазируфта шудааст
Дар Донишкадаи давлатии фарҳанг ва санъати Тоҷикистон Рӯзи Ваҳдати миллиро ҷашн гирифтанд
Имрӯз дар ноҳияҳои кӯҳии Тоҷикистон ҳаво то 31 дараҷа гарм мешавад
Тоҷикистон то соли 2032 ба кишвари тавлидкунандаи энергияи «сабз» табдил хоҳад ёфт
«САЁҲАТ БА ҚАЛБИ АВРУОСИЁ». Иштирокчиёни экспедитсия бо фарҳанг ва анъанаҳои мардуми Қазоқистон шинос шуданд
Дар Донишгоҳи байналмилалии сайёҳӣ ва соҳибкорӣ бахшида ба Рӯзи Ваҳдати миллӣ ҳамоиш баргузор шуд
Барои пешгирии вайроншавии қабати болоии роҳ аз таъсири ҳавои гарм чӣ тадбир андешида мешавад?
Дар лагери «Сарҳадбон» 100 нафар кӯдакон аз оилаҳои хизматчиёни ҳарбӣ ба истироҳат фаро гирифта шуданд
ТИРГОН, ЯЪНЕ, КИ ҚАДРИ ОБ ДОН. Миллате, ки об барояш муқаддас аст
Имрӯз дар шаҳри Душанбе ҳаво то 39 дараҷа гарм мешавад
Имрӯз дар водиҳои Тоҷикистон ҳаво то 40 дараҷа гарм мешавад
