ДДЗ БА НБО РОҒУН САҲМИ ХУДРО ГУЗОШТ

                 Душанбе, 13 ноябр. (АМИТ «Ховар», Людмила Дубинина).-Донишкадаи давлатии забонҳои ба номи С Улуғзода маоши якрӯзаи устодонро барои сохтмони НБО Роғун гузаронд.                   Ёдовар мешавем, ки Нерӯгоҳи обии барқии Роғун ҷабҳаи бунёдкорӣ эълон карда шудааст. Бунёди Нерӯгоҳи обии барқии Роғун на танҳо барои Тоҷикистон, балки барои тамоми мамлакатҳои минтақаи Осиё Марказӣ манфиатдор аст.                  «Мо пурра бо суханҳои Президентамон розӣ ҳастем ва мехоҳем саҳми худро барои сохтмони ин нерӯгоҳ гузорем. Боварӣ дорем, ки ҳамаи сокинони мамлакат саҳми худро барои обод ва пешрафту рушди иқтисодии Ватанамон мегузоранд. Соли гузашта устодони донишкадаи мо аввалин шуда, барои сохтмони мазкур 3 ҳазор сомонӣ гузаронданд, ки нисбати имсола 2 баробар камтар буд»,- зикр кард проректор оид ба илми ДДЗ Идигул Қосимова.