МАКТАБ – ИНТЕРНАТ БАРОИ 640 НАФАР БЕПАРАСТОР

                Душанбе, 12 ноябр. (АМИТ «Ховар», Л.Додо). – Бо ибтикори Президенти ҷумҳурӣ бунёди мактаб – интернат дар ноҳияи Рӯшон идома дорад. Тавре муҳандиси сохтмон Олимшо Муборакшоев иттилоъ дод, аз тарафи Ҳукумати ҷумҳурӣ ба хотири бунёди он 3,5 миллион сомонӣ ҷудо шудааст. Мактаб – интернат барои 640 нафар бепарасторон бунёд карда мешавад.                 Мактаб – интернат аз чаҳор ошёна иборат буда, дар онҳо синфхонаҳо, хобгоҳ, толори варзишӣ ва ошхона ҷой дода шудааст. Ва ҳамаи онҳо замонавию зебою хуштарҳ бунёд ёфтаанд. Ин иншоот то рӯзи Ваҳдат, яъне тобистони соли 2010 мавриди истифодабарӣ қарор дода мешавад.