ТОҶИКИСТОН ИДИ ҚУРБОНРО КАЙ ҚАЙД МЕКУНАД?

                 Душанбе, 10 ноябр. (АМИТ «Ховар», Наргис Бояхмедова).- Иди қурбонро мусулмонони тамоми ҷаҳон 27 ноябри соли 2009 қайд мекунанд.                     Тоҷикистон ин идро кай қайд мекунад? Ба ин суоли мухбири АМИТ «Ховар» аз Шӯрои уламои Ҷумҳурии Тоҷикистон чунин посух доданд: Ҳоло Шӯро ин рӯзро аниқ накардааст. Дар рӯзҳои наздик Шӯро маҷлиси навбатии уламоро мегузаронад, ки дар он рӯзи аниқи иди қурбонро муайян мекунанд.                    Ёдовар мешавем, ки иди қурбон, яке аз идҳои асосии мусулмонон буда, дар давоми ин ид мусулмонон ба зиёрати хонаи Қаъба мераванд. Мувофиқи Сарқонуни Ҷумҳурии Тоҷикистон рӯзи иди қурбон рӯзи истироҳат эълон карда шудааст.