ВИЛОЯТИ ХАТЛОН ОЗМУН ЭЪЛОН МЕКУНАД
Душанбе, 19 ноябр. (АМИТ «Ховар», Дилшодаи Ҷонмард).-Мақомоти иҷроияи ҳокимияти давлатии вилояти Хатлон ба хотири рушди адабиёт дар қаламрави вилоят ду ҷоизаи адабӣ таъсис дод. Ҷоизаи якум дар бахши назм таҳти унвони «Шамсиддини Шоҳин» ва ҷоизаи дуюм дар бахши наср бо номи «Носири Хусрав» буда, маблағи ҳар як ҷоиза 5 ҳазор сомонӣ муқаррар карда шудааст. Озмуни мазкур дар арафаи ҳар Соли нав ҷамъбаст хоҳад шуд.