ДИПЛОМАТҲОИ ТОҶИК ДАР НЕРӮГОҲ САҲМ МЕГУЗОРАНД

Декабрь 9, 2009 10:24

                  Душанбе, 9 декабр. (АМИТ «Ховар», Фирдавс Таваров). — Тавре ба мухбири АМИТ «Ховар» аз Сафорати Ҷумҳурии Тоҷикистон дар Япония хабар доданд, кормандони сафорат аҳамияти стратегии сохтмони нерӯгоҳи барқии обии Роғун ва аз сохтмони он вобаста будани рушди минбаъдаи иқтисодии мамлакатро ба хубӣ дарк намуда, ҷавобан ба муроҷиати Президенти Ҷумҳурии Тоҷикистон Эмомалӣ Раҳмон тасмим гирифтанд, ба суратҳисоби НОБ-и Роғун музди меҳнати 3 рӯзаро интиқол диҳанд.Хамчунин кормандони сафорат ба маблағи музди меҳнати 1 моҳаи худ саҳмияҳои нерӯгоҳи Роғунро харидорӣ мекунанд.                   Кормандони Сафорати Ҷумҳурии Тоҷикистон дар Озорбойҷон низ омодаанд дар сохтмони ин иншооти мухими стратегӣ саҳмгузор бошанд. Тавре ба мухбири АМИТ «Ховар» иттилоъ доданд, дипломатҳои тоҷик дар Озорбойҷон бо ҳиссиёти баланди ватандӯстӣ музди маоши дурӯзаи кори худро ба сохтмони нерӯгоҳ интиқол карданд.   

Декабрь 9, 2009 10:24

Хабарҳои дигари ин бахш