КОҲИШИ ИСТЕҲСОЛИ МАҲСУЛОТИ САНОАТ ДАР ИДМ

                   Душанбе, 3 декабр. (АМИТ «Ховар», Покиза Маҳмадбекова ). — Аз рӯи маълумоти Кумитаи омори ИДМ, ҳаҷми маҳсулоти умумии дохилии мамлакатҳои Иттиҳод дар давоми 10 моҳи гузаштаи соли равон ба ҳисоби миёна 9 фоиз кам шудааст.                    Аз ҷумла, ҳаҷми маҳсулоти умумии дохилӣ дар Арманистон 17,5 фоиз, дар Украина 15,9 фоиз ва дар Русия 9,6 фоиз коҳиш ёфт. Дар баробари ин, ҳаҷми маҳсулоти умумии дохилӣ дар Озарбойҷон 8,3 фоиз, Ӯзбекистон 8 фоиз, Қирғизистон 3,2 фоиз ва Тоҷикистон 2,9 фоиз афзуд.                   Ҳаҷми ҳамлу нақли мол дар байни мамлакатҳои Иттиҳод дар давоми моҳҳои январ – октябри соли равон 18 фоиз, хариду фурӯши чаканаи мол 7 фоиз ва нархи умумии мол 6 фоиз коҳиш ёфт.