М. АҲМАДИНАЖОД БА ДУШАНБЕ МЕОЯД

                 Душанбе, 29 декабр.(АМИТ «Ховар», Марзия Саидова).-Президенти Ҷумҳурии Исломии Эрон Маҳмуд Аҳмадинажод 6-7 январи соли 2010 бо сафари расмӣ ба Ҷумҳурии Тоҷикистон ташриф меорад.                   Аз Сафорати Эрон дар Душанбе ба АМИТ «Ховар» иттилоъ доданд, ки Маҳмуд Аҳмадинажод зимни сафари дурӯзаи худ ба Тоҷикистон бо роҳбарони воломақоми Тоҷикистон дидору мулоқот менамояд. Зимни мулоқот масъалаҳои рушди минбаъдаи таҳкими ҳамкориҳои иқтисодию тиҷоратии Тоҷикистону Эрон баррасӣ мегарданд. Ҳамзамон, ба имзо расонидани як қатор санадҳои ҳамкории байнидавлатӣ дар бахши иқтисоду тиҷорат дар назар аст.                   Интизор меравад, ки Президенти Эрон аз маҳали як қатор сохтмони иншоооте, ки бо сармоягузории Эрон сохта мешаванд, аз ҷумла НБО «Сангтӯда -2» дар ҷануби Тоҷикистон боздид менамояд.                     Бояд зикр кард, ки ин сафар сафар саввумини Президенти Эрон ба Тоҷикистон мебошад.