МАЪРАКА БАРОИ СОХТМОНИ РОҒУН

                   Душанбе, 21 декабр. (АМИТ «Ховар», Кристина Эрлих). – Муассисаи алоқаи телефонии мобилии «МЛТ» дар сохтмони Нерӯгоҳи барқи обии «Роғун» саҳм мегузорад. Бо ин мақсад аз 18 то 31 декабри соли 2009 дар марказҳои фурӯши муассиса 10 сим – картаи аз платина сохташуда ба харидорон пешкаш карда мешавад. Маблағи аз фурӯши онҳо бадастомада ба суратҳисоби сохтмони НБО «Роғун» гузаронида хоҳад шуд.                      Мудири раёсати маъмурии муассиса Рустам Нуров зикр намуд, ки ҳадафи ин маърака ҷамъ овардани маблағ барои сохтмони нерӯгоҳ мебошад. Мо дар оянда низ чунин маъракаҳоро ташкил намуда, кӯшиш хоҳем, кард, ки барои сохтмони ин иншооти бузург бештар маблағ ҷамъ орем, гуфт Р.Нуров.