МУЛОҚОТ БО ДОНИШҶӮЁНИ ТОҶИК ДАР МАСКАВ
Душанбе, 21 декабр. (АМИТ «Ховар», Наталя Михайлова). – Дар Маскав бо иштироки муовини директори Бюрои ҳамоҳанг сохтани мубориза ба муқобили ҷинояти муташаккилона дар қаламрави ИДМ, генерал – майори милиса Ҷӯрахон Зоиров ва намояндагони бюрои мазкур бо донишҷуёни тоҷик мулоқот баргузор гардид, ки дар Донишгоҳи вазорати корҳои дохилии Федератсияи Русия дар Маскав таҳсил мекунанд. Ҷурахон Зоиров дар назди ҳозирон сухан карда, зикр намуд, ки риояи интизом ва тартибот дар фаъолияти касбии кормандони ВКД нақши асосӣ мебозад. Онҳо бояд таҷрибаи насли калонсолро омӯхта, баъдан таҷрибаи худро ба ҷавонон омӯзонанд. Қайд карда шуд, ки Ҳукумати Тоҷикистон барномаи махсуси омода сохтани кадрҳоро барои тамоми соҳаҳои иқтисодиёт таҳия кардааст ва иҷрои он давом дорад. Мувофиқи фармони вазири корҳои дохилии Ҷумҳурии Тоҷикистон ҳар нафар корманди намояндагии вазорат дар шаҳри Маскав ба мактабҳои олие вобаста карда шудаанд, ки донишҷӯёни тоҷик дар онҳо таҳсил доранд. Кормандони намояндагӣ ба беҳтар сохтани сифати таҳсил ва шароити кору зиндагии донишҷӯён ҳамаҷониба мусоидат мнамоянд. Котиби матбуоти намояндагӣ ВКД Тоҷикистон дар Маскав Дилбар Хоҷаева ба АМИТ «Ховар» хабар дод, ки чунин вохӯрию мулоқотҳо бо донишҷӯён дар ҳамаи шаҳру вилоятҳо ва мактабҳои олии Русия гузаронида мешаванд.








МегаФон Тоҷикистон: МегаҚувва гигабайтҳоро дучанд менамояд
Имрӯз дар водиҳои Тоҷикистон ҳаво то 22 дараҷа гарм мешавад
Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад






