НАМОИШГОҲИ МОЛҲОИ СОХТИ ТУРКИЯ ДАР ДУШАНБЕ

                  Душанбе, 24 декабр. (АМИТ «Ховар», Покиза Маҳмадбекова). — 23 декабр дар Қасри теннис ба муносибати иди Соли Нав намоишгоҳи молҳои сохти Туркия кушода шуд. Ташкилкунандагони он Палатаи савдо ва саноати Тоҷикистон, анҷумани соҳибкорону сармоягузорони Тоҷикистону Туркия Ҳукумати Тоҷикистон ва сафорати Туркия дар мамлакати мо мебошанд.                    Мухбири АМИТ «Ховар» хабар медиҳад, ки дар намоишгоҳ бештар аз 30 ширкату корхонаҳои калонтарини Туркия, инчунин корхонаҳои «Тоҷиккристал», «Туғро Трейд» ва корхонаи муштараки Тоҷикистону Туркия «Чиллик» ширкат меварзанд. Дар намоишгоҳ ба тамошобинон маҳсулоти қаннодӣ, мебел барои меҳмонхонаҳо, гилему қолин, ҷиҳози хоб, асбобу анҷоми ороишии занона ва ғайра пешкаш карда мешавад.                    Намоишгоҳ то 26 декабр давом мекунад.