ПАЛАТАИ БОЛОИИ ПАРЛУМОН ҚОНУН ДАР БОРАИ ҲАРАКАТ ДАР РОҲРО БАРРАСӢ МЕНАМОЯД

                    Душанбе, 23 декабр.(АМИТ «Ховар», Марзия Саидова).-Тибқи Қарори Раиси Маҷлиси миллии Маҷлиси Олии Ҷумҳурии Тоҷикистон Маҳмадсаид Убайдуллоев 7 январи соли 2010 дар шаҳри Душанбе иҷлосияи 23-уми Маҷлиси миллии Маҷлиси Олии Ҷумҳурии Тоҷикистон даъвати сеюм баргузор мегардад.                   Дар иҷлосия Қонунҳои Ҷумҳурии Тоҷикистон «Дар бораи Ҷамъияти Ҳилоли Аҳмари Тоҷикистон», «Дар бораи экспертизаи илмӣ ва илмӣ — техникӣ», «Оид ба ворид намудани иловаҳо ба Қонуни Ҷумҳурии Тоҷикистон «Дар бораи дигар пардохтҳои ҳатмӣ ба буҷет», «Оид ба ворид намудани тағйирот ба Қонуни Ҷумҳурии Тоҷикистон «Дар бораи ҳаракат дар роҳ» ва дигар қонунҳою санадҳои ҳуқуқии вобаста ба ҳаёти иҷтимоӣ, иқтисодӣ ва фарҳангии кишвар баррасӣ мегарданд.                  Дар ин хусус ба АМИТ «Ховар» аз Маҷлиси миллии Маҷлиси Олии ҷумҳурӣ иттилоъ доданд.