РАҚАМҲО ВА ҲАҚИҚАТИ БОЗОР

                 Душанбе, 24 декабр. (АМИТ «Ховар», Лаззат Диловарзод).- Дар Вазорати кишоварзӣ ба мухбири АМИТ «Ховар» иброз доштанд, ки соли ҷорӣ нисбат ба соли 2008 бештар ҳосили меваю картошка ба даст оварда шудааст ва ҳосилнокӣ ҳам нисбат ба соли гузашта зиёд шудааст                 Бо мақсади санҷиши иттилооти додашуда ба Кумитаи омори ҷумҳурӣ муроҷиат карда шуд ва чунин иттилоот ба даст омад:Дар соли 2009 аз 11098 га замини картошка 215 ҳазору 666 тонна ҳосил ҷамъоварӣ карда шудааст, ки ҳосилнокии ҳар гектар 187 сентнериро ташкил медиҳад.                 Дар бозорҳои «Шоҳмансур» ва «Баракат» рӯзи санҷиши маводи ба даст овардашуда, нархи 1кг картошка 1 сомонию 80 – 1 сомонию 90 дирамро ташкил дод, ки нисбат ба ҳамин давраи соли гузашта 40 – 45 дирам зиёд аст.                 Саволи матраҳ ба шаҳрдорӣ ва мутасаддиёни бозорҳои шаҳр ин аст, ки чаро бо зиёд шудани истеҳсолот нархҳо дар бозор боло мераванд, ё қонуни нонавиштаи бозор ҳамин аст, Шумо чӣ мегӯед?