САФАРИ Ҳ. ЗАРИФӢ БА МАМЛАКАТҲОИ ОСИЁИ ҶАНУБУ ШАРҚӢ

                 Душанбе , 7декабр. (АМИТ «Ховар», Наргис Бояхмедова). – Вазири корҳои хориҷии ҷумҳурӣ Ҳамрохон Зарифӣ дирӯз барои боздиди расмӣ ба баъзе мамлакатҳои Осиёи Ҷанубу Шарқӣ рафт.                   Ҳ.Зарифӣ 7 – 8 декабр аз Ҷумҳурии Сингапур, 8 ва 9 декабр аз Бруней – Доруссалом ва 8 то 12 декабр аз Ҷумҳурии Индонезия боздид ба амал хоҳад овард.                  Мухбири АМИТ «Ховар» хабар медиҳад, ки Ҳ.Зарифӣ зимни сафар бо вазирони корҳои хориҷӣ ва мансабдорони дигари баландпояи ин мамлакатҳо мулоқотҳо анҷом медиҳад.                    Ҳамрохон Зарифӣ дар ҷараёни сафар дар анҷумани дуюми демократии Бали дар Индонезия ширкат варзида, бо президенти ин мамлакат Сусило Бамбанг Юдхойоно мулоқот хоҳад кард. Зимни мулоқот ба роҳбари давлати Индонезия номаи Президенти Ҷумҳурии Тоҷикистон Эмомалӣ Раҳмон супурда мешавад. Президенти Тоҷикистон дар номаи худ сардори давлати Индонезияро даъват менамояд, ки дар вақти дилхоҳаш ба Тоҷикистон ташриф орад.